მმართველი გუნდის წარმომადგენლები გიორგი ქადაგიძეს პასუხობენ. ეკონომიკის მინისტრის განცხადებით, მისთვის ამ საკითხზე სპეკულაციები მიუღებელია.
როგორც ცნობილია, გიორგი ქადაგიძემ ეროვნული ბანკიდან ზედამხედველობის სამსახურის გამოყოფა არაკონსტიტუციური უწოდა. ეროვნული ბანკი პრეზიდენტის მიერ ამ კანონპროექტისთვის ვეტოს დადებას მიესალმება.
“კანონი, რომელიც მივიღეთ არის საერთაშორისო სტანდარტების შესაბამისი. მე არ ვიზიარებ იმ სპეკულაციებს, რომელიც ამ პროცესის შეჩერებას ისახავს მიზნად,” – განაცხადა გიორგი კვირიკაშვილმა.
საქართველოს ბანკების ასოციაციის პრეზიდენტის ზურაბ გვასალიას განცხადებით, ამ კანონის ამოქმედებით საბანკო სექტორი არ დაზარალდება. მისი თქმით, თუ სწორად გაკეთდება ყველაფერი, პრობლემები არ შეიქმნება.