იუსტიციის მინისტრის, თეა წულუკიანის განცხადებას, მიხეილ სააკაშვილთან დაკავშირებით “ერთიან ნაციონალურ მოძრაობაში” უპასუხეს. წულუკიანმა სააკაშვილის ოდესის გუბერნატორად დანიშვნის შემდეგ კომენტარი გააკეთა და ის სამართლებრივი გზები განმარტა, თუ როგორ მოხდება მიხეილ სააკაშვილისათვის საქართველოს მოქალაქეობის გაუქმება.
ნაციონალური მოძრაობის წევრის გიორგი ვაშაძისთვის გაუგებარია, ქართველების საზღვრებს გარეთ წარმატება რატომ იწვევს შურს და ბოღმას საქართველოს ხელისუფლებაში.
“ორადორი ქვეყანაა და ორადორი მთავრობაა მსოფლიოში, რომელსაც არ უხარია საქართველოს წარმატებები, ქვეყნის ფარგლებს გარეთ და ქართული გუნდის მიერ განხორციელებული რეფორმები. ეს არის რუსეთის და საქართველოს მთავრობა. ძალიან ვწუხვარ, რომ საქართველოს ხელისუფლების წარმომადგენლების მხრიდან არის ასეთი ბოღმის და შურისძიების შემცველი განცხადებები, ნაცვლად იმისა, რომ მართლაც უხაროდეთ წარმატებები ქართველი ექსპერტების, სპეციალისტების საქართველოს ფარგლებს გარეთ,” – განაცხადა გიორგი ვაშაძემ.
