რუსთავი 2-ის გენერალური დირექტორის ნიკა გვარამიას მიერ დღეს გაკეთებულ განცხადებას გამოხმაურება მოჰყვა ოპოზიციაში. ნაციონალურ მოძრაობაში განვითარებულ მოვლენებს ყოფილ პრემიერს უკავშირებენ და აცხადებენ, რომ ბიძინა ივანიშვილის ქმედებები ქვეყანას აზარალებს.
„ივანიშვილს მიაჩნია, რომ ასეთი თავხედური, ამაზრზენი ნაბიჯებით შეძლებს, რომ გატეხოს ქვეყნის შიგნით საზოგადოების თავისუფალი ნება და ამავე დროს ეს შეუმჩნეველი დარჩება თავისუფალ სამყაროს – ეს არ მოხდება. საქართველოს შიგნით ეს თავისუფალი ნება არ გატყდება, რამდენადაც არ უნდა ეცადოს და ეს შეუმჩნეველი არ დარჩება საერთაშორისო თანამეგობრობას. სამწუხაროდ, ივანიშვილი თავისი პოლიტიკის შედეგად საქართველოს აზიანებს,“ – აღნიშნა გიგა ბოკერიამ.
