საკადრო ცვლილებებს აღმასრულებელ ხელისუფლებაში აკრიტიკებენ ექსპერტები. ისინი მიიჩნევენ, რომ მდგომარეობის გამოსასწორებლად მხოლოდ საკადრო გადაადგილებები არ არის საკმარისი და საჭიროა სისტემური ცვლილებები.
„ღარიბაშვილს აქვს ხოლმე ასეთი კახური გამოვლინებები. ეკონომიკური ბლოკის მინისტრებს შეექმნებათ პრობლემები. კვირიკაშვილისთვის ეს გადაადგილება იყო გადარჩენა, გამომდინარე იქიდან, რომ ეკონომიკაში არც ისე კარგად მიდის საქმე,“ – აცხადებს „საქართველოს განვითარების კვლევითი ინსტიტუტის“ დამფუძნებელი გია ხუხაშვილი.
