მსოფლიოს მოქმედი ჩემპიონი თბილისშია. გერმანიის ეროვნული ნაკრები თბილისში გუშინ ღამით ჩარტერული რეისით ჩამოფრინდა.
მსოფლიო ჩემპიონებს სასტუმრო რედისონში ქართველი გულშემატკივარები დახვდნენ. გერმანია მესამეა, იტალიისა და ესპანეთის ნაკრებების შემდეგ, რომელიც საქართველოს მსოფლიოს მოქმედი ჩემპიონის რანგში ეწვია.
გერმანიის ეროვნული გუნდი ევროპის ჩემპიონატის შესარჩევი ეტაპის ფარგლებში ხვალ საქართველოს ნაკრებს დაუპირისპირდება.
შეხვედრა დინამო არენაზე 20 საათზე დაიწყება. დღეს კი გერმანიის ეროვნული ნაკრების მთავარი მწვრთნელი პრესკონფერენციას გამართავს.
