23 ივნისს, ფილარმონიის მაჭავარიანის სახელობის დარბაზში, საქართველოს ტექნიკური უნივერსიტეტის ორკესტრის (როგორც მას უწოდებენ „გეპეის ორკესტრი“) 80 წლისთავისადმი მიძღვნილი კონცერტი, 13-14 ივნისის ტრაგედიის გამო საქველმოქმედო აქციის ფორმატში ჩატარდა. საქველმოქმედო კონცერტზე შემოსული თანხა მთლიაბნად გადაირიცხა დაზარალებულთა დახმარების ფონდში.
კონცერტის ორგანიზატორი იყო ტექნიკური უნივერსიტეტის შემოქმედებითი გაერთიანება „ილიონის“ ხელმძღვანელი თამაზ ორჯონიკიძე, „გეპეის ორკესტრის“ დირიჟორი და ხელმძღვანელია ირაკლი კალმახელიძე. „გეპეის ორკესტრი“ ხუთი წლის წინ ტექნიკური უნივერსიტეტის რექტორის არჩილ ფრანგიშვილის ინიციატივით იქნა აღდგენილი.
„თაიმერი“ გთავაზობთ „გეპეის ორკესტრის“ საქველმოქმედო აქციის ფოტოკოლაჟს.
