პოლიციელებზე თავდასხმაში ეჭვმიტანილის პატიმრობის პერიოდზე საუბრობენ საპარლამენტო უმრავლესობაში. ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარის პირველი მოადგილე, რომელიც “უდო”-ს კომისიის წევრი იყო, შალვა აბულაძის საკითხის განხილვას იხსენებს.
“როგორც მახსოვს, შალვა 8 წელი იჯდა ციხეში, ცოტა ქონდა უკვე დარჩენილი. რამოდენიმეჯერ მოხდა მისი საკითხის განხილვა და აღარ ტოვებდა საზოგადოებისთვის საშიშის შთაბეჭდილებას.” – აცხადებს კურიერთან სატელეფონო საუბარში გედევან ფოფხაძე.
შალვა აბულაძემ სასჯელაღსრულების დაწესებულება 2013 წლის 23 ნოემბერს დატოვა. მას 20 წლიანი პატიმრობა ქონდა მისჯილი. თუმცა, ჯერ ამნისტიის კანონით პატიმრობა გაუნახევრდა, შედგე კი “უდო”-ს კომისიამ ის 1 წლით ადრე გაათავისუფლა.
