ქუჩებში ხმაურთან დაკავშირებით საკრებულოს მიერ შემუშავებული რეგულაციები პარლამენტს დღეს გადაეგზავნება.
მისი დამტკიცების შემთხვევაში, კანონპროექტი ძალაში პირველი ოქტომბრიდან შევა და ხმაური დასჯადი გახდება.
ხმაურის დაშვებული ნორმა დღისით და ღამით განსხვავებული იქნება. შესაბამისად, ჯარიმაც, 150-300 ლარი ფიზიკურის, ხოლო 500-1000 ლარი – იურიდიული პირის შემთხვევაში.
ხმაურზე რეაგირება პატრულს დაეკისრება, გამოძახება კი 112-ის საშუალებით იქნება შესაძლებელი.
