26 და 27 მაისს უზებეკეთის დედაქალაქ ტაშკენტში, ფუტსალში საქართველოს ეროვნული ნაკრები უზბეკეთს ორ ამხანაგურ მატჩში გაეჯიბრება.
ორივე მატჩი მსოფლიო ჩემპიონატის შესარჩევი ციკლისათვის მზადების ერთ-ერთ ეტაპად მოიაზრება. ლევან გრიგოლიას ნაკრების შემადგენლობა ასეთი გახლავთ:
მეკარეები: ა. ჯამბურია(ნეფთჩი ბაქო), დ.კეფაშვილი(გეორგია), და თ.ბუკია(ეკოლი ბაქო).
მოედნის მოთამაშეები: მ.კაკაბაძე, ლ.სიგუნავა(თსუ), შ.თოფურია(გეორგია), შ.ჭანუყვაძე(ნეფთჩი), ზ.ლუკავა(ნეფთჩი),
კ.მაისაია(ეკოლი), გ.ტიკურიშვილი(ეკოლი), დ.ბობოხიძე(ეკოლი), გ.ნიკვაშვილი(სეუ), ვ.ჯვარაშვილი(პრო ვარნა ), გ.სილაგავა(არმაზი), ლ.კობაიძე(ალკგრიგი კიროვაკანი).
აქვე შეგახსენებთ, რომ მიმდინარე წლის 9 მაისს, საქართველოს ფუტსალის ასოციაციის ხელმძღვანელობის მიერ დაგეგმილმა მატჩმა სამეგრელოს ნაკრებთან სენაკში სკანდალი გამოიწვია. მეტიც, საქართველოს ფეხბურთის ფედერაციის სუბიექტს მანამდეც ჰქონდა ხმა შეჩერებული და აქვს დღესაც ფეხბურთის მმართველ ორგანოში.
ტაშკენტში გაფრენამდე, ეროვნულ ნაკრებს ზედიზედ ხუთი წაგება აქვს მათ შორის ორი ამხანაგური მაკედონიასთან და სამი ოფიციალური რუმინეთში.
