გარკვეულ პროდუქტებზე ფასები გაიზარდა

პროდუქტებზე ფასი გაიზარდა

2014 წლის დეკემბერში წინა თვესთან შედარებით საქართველოში ინფლაციის დონემ 0,7 პროცენტი შეადგინა. ამის შესახებ ოფიციალურ ინფორმაციას სტატისტიკის ეროვნული სამსახური აქვეყნებს.
მათივე განმარტებით, მოცემულ პერიოდში ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
სურსათი და უალკოჰოლო სასმელები: ფასები გაიზარდა 1,2 პროცენტით, რაც, სტატისტიკის ეროვნული სამსახურის ინფორმაციით, თვის ინფლაციის მთლიან მაჩვენებელზე 0,37 პროცენტული პუნქტით აისახა.
გარდა ამისა, ოფიციალური მონაცემებით, ფასების მატება დაფიქსირდა ქვეჯგუფებზე: ხილი და ყურძენი (4,1 პროცენტი), ბოსტნეული და ბაღჩეული (3,4 პროცენტი), ზეთი და ცხიმი (2,0 პროცენტი), შაქარი, ჯემი და სხვა ტკბილეული (1,8 პროცენტი) და რძე, ყველი და კვერცხი (1,6 პროცენტი);
“ავეჯი, საოჯახო ნივთები, სახლის მოვლა: ჯგუფზე ფასები გაიზარდა 2,6 პროცენტით, რამაც ინფლაციის მთლიან მაჩვენებელზე 0,15 პროცენტული პუნქტით მოახდინა გავლენა. ფასები გაიზარდა ძირითად ელექტრონულ ან არაელექტრონულ საოჯახო მოწყობილობებზე (6,2 პროცენტი);
ტრანსპორტი: აღნიშნულ პერიოდში დაფიქსირდა ფასების 1,1-პროცენტიანი კლება, რაც თვის ინფლაციის მთლიან მაჩვენებელზე -0,12 პროცენტული პუნქტით აისახა. ფასების კლება დაფიქსირდა საწვავ-საპოხ მასალებზე (-4,4 პროცენტი).
“რიცხვების დამრგვალების გამო ცალკეული ჯგუფების წვლილის ჯამი შესაძლოა არ უდრიდეს ინფლაციის მთლიან მაჩვენებელს”, – აცხადებენ სტატისტიკის ეროვნულ სამსახურში.

banner
წინა სტატიაშისოფელ შაშიანში მკვლელობა მოხდა
შემდეგი სტატიამამა ილია კარტოზიას ცხედარს საქართველოში მიმდინარე კვირას გადმოასვენებენ