შვედი პოეტი, ნობელის პრემიის ლაურეატი ლიტერატურის დარგში ტომას ტრანსტრომერი 83 წლის ასაკში გარდაიცვალა.
მისი მისტიური და ნაღვლიანი ლექსები 60 ენაზე არის გადათარგმნილი – წერს ბიბისი. შვედეთის სამეფო სამეცნიერო აკადემიამ, რომელმაც ტრანსტრომერი ნობელის პრემიით დააჯილდოვა, ის განსაკუთრებული ხედვა აღნიშნა, რომელიც მხოლოდ პოეტისთვის იყო დამახასიათებელი.
ტრანსტრომერმა ჯერ კიდევ 1990 წელს მძიმე ინსულტი გადაიტანა, რომლის შემდეგაც მან მეტყველების უნარი ნაწილობრივ დაკარგა.
