განათლების მინისტრ თამარ სანიკიძის განცხადებით, 26 მაისისთვის მოსამზადებელ პროცესში სამინისტროს სხვადასხვა ინსტიტუციებიც იღებენ მონაწილეობას.
როგორც სანიკიძე აცხადებს, მოსამზადებელ პროცესში ჩართულნი არიან როგორც საჯარო სკოლები, ასევე პროფესიული და უმაღლესი სასწავლებლები.
„მეტად მრავალფეროვანი ღონისძიებები გვაქვს დაგეგმილი. ჩართულნი არიან განათლების სამინისტროს სხვადასხვა დონეზე არსებული ინსტიტუციები, როგორც საჯარო სკოლები, ასევე პროფესიული და უმაღლესი სასწავლებლები. გვექნება ძალიან საინტერესო გამოფენები, ახალი პროექტები. ვფიქრობ, რომ ერთ-ერთი საუკეთესო კუთხე გვექნება განათლების და მეცნიერების სამინისტროს“, – განაცხადა სანიკიძემ.