საერთაშორისო რესპუბლიკური ინსტიტუტის IRI-ის ახალი კვლევის მიხედვით, გამოკითხულთა მხოლოდ 5% მიიჩნევს რუსეთთან ურთიერთობას დადებითად, 85% კი, უარყოფითად. ამასთან, კვლევაში მონაწილეთა 18% რუსეთს პარტნიორად მიიჩნევს, ხოლო 76% საფრთხედ.
გარდა ამისა, კვლევაში მონაწილეთა 26% ფიქრობს, რომ რუსეთთან ურთიერთობა გაუარესდა, 21%-ის აზრით კი, პირიქით, ოკუპანტ ქვეყანასთან ურთიერთობა გაუმჯობესდა. რესპონდენტთა 44% მიიჩნევს, რომ რუსეთ-საქართველოს ურთიერთობა იგივე ნიშნულზე დარჩა.
გამოკითხულთა 67%-ის შეფასებით, რუსეთის აგრესია საქართველოს მიმართ გრძელდება. 6% ფიქრობს, რომ დასრულდა და არ განახლდება, ხოლო 21%-ის აზრით, რუსეთის აგრესია დასრულდა და არსებობს განახლების საშიშროება.
