გაზპრომთან დაკავშირებით მმართველ გუნდში აზრთა სხვადასხვაობაა. რესპუბლიკური პარტია ხელისუფლების მხრიდან აუცილებლად გამოსაჩენ სიფრთხილეზე საუბრობს და მათ ახსენებს, რომ გაზპრომი ევროკავშირის წევრი ქვეყნებისგან სანქცირებული კომპანიაა.
„ვფიქრობ რომ სწორია, რომ ასეთი სერიოზული დისკუსია დაიწყო გაზპრომთან დაკავშირებით, რადგან გაზპრომი არ არის მხოლოდ კერძო ურთიერთობის ნაწილი, რადგან ვიცით, რომ ეს ორგანიზაცია კარგად არის შეწყობილი რუსულ პოლიტიკასთან და შეიძლება ვიგულისხმოთ, რომ ის არის რუსული პოლიტიკის გაგრძელება. გაზპრომი ის კომპანიაა, რომელიც სანქცირებულია ევროკავშირის წევრი ქვეყნების მიერ, ამიტომ ჩვენ დიდი სიფრთხილე გვმართებს,“ – აცხადებს თამარ კორძაია.