რუსეთი სირიაში მოუწესრიგებელ დაბომბვას ახორციელებს, რასაც მშვიდობიანი მოსახლეობა ეწირება – განაცხადა ბრიტანეთის თავდაცვის მინსიტრმა მაიკლ ფელლონმა.
გაზეთ “სანთან” ინტერვიუში მან აღნიშნა, რომ მოსკოვი თავის ძალებს ბაშარ ასადის ოპოზიციისკენ მიმართავს და არა ექსტრემისტული დაჯგუფებისკენ.
უფრო ადრე კი აშშ-მ განაცხადა, რომ რუსეთის დარტყმები მხოლოდ ისლამური სახელმწიფოს პოზიციებს აძლიერებენ.
ფელონის სადაზვერვო მონაცემებით რუსების მხოლოდ 20 გაფრენა და ავიადარტყმა განხორციელდა ჯიჰადისტების წინააღმდეგ, ამასთანავე არ იტყობინებიან, სულ რამდენი გაფრენა განახორციელეს რუსმა სამხედროებმა.