ექსპრემიერს, ბიძინა ივანიშვილს მარიხუანას ლეგალიზების საკითხთან დაკავშირებით გამოკვეთილი პოზიცია არ აქვს. “ანაშის მოხმარებასთან დაკავშირებით თუ მარიხუანას? – ასეთი კონტრშეკითხვით უპასუხა ივანიშვილმა ნარკოპოლიტიკის შერბილებასთან დაკავშირებით გარკვეული ჯგუფების მოთხოვნის თაობაზე დასმულ კითხვას.
რაც შეეხება მის პირად პოზიციას, აღნიშნა, რომ მას ამ საკითხზე განსაკუთრებული პოზიცია არ გააჩნია.
“ერთი მხრივ, ძალიან კარგია, რომ კანონმდებლობა გაიოლდეს და მარტივ დარღვევებზე აღარ იქნება პასუხისმგებლობა. მეორე მხრივ, არის ხიფათი, რომ ამით გაიზარდოს მოხმარება. მე არ მაქვს განსაკუთრებული პოზიცია”, – განაცხადა ივანიშვილმა და დასძინა, რომ ალბათ უნდა მოვიქცეთ ისე, როგორც ევროპის განვითარებული ქვეყნები იქცევიან.