ალექსანდრე ლუკაშენკოს პირველი ოფიციალური ვიზიტის ოფიციალური ნაწილი ხვალ დილით დაიწყება.
თბილისის საერთაშორისო აეროპორტში ბელორუსის პრეზიდენტს დახვდნენ ვიცე-პრემიერი, ენერგეტიკის მინისტრი კახა კალაძე, საგარეო საქმეთა მინისტრი თამარ ბერუჩაშვილი, პრეზიდენტის ადმინისტრაციის უფროსი დავით პატარაია. ალექსანდრე ლუკაშენკო საქართველოში 10 წლის შვილთან ერთად ჩამოვიდა.
ეს ბელორუსის პრეზიდენტის პირველი სახელმწიფო ვიზიტია საქართველოში. ვიზიტის ფარგლებში ალექსანდრე ლუკაშენკო თავის ქართველ კოლეგას, გიორგი მარგველაშვილს და პრემიერ-მინისტრ ირაკლი ღარიბაშვილს შეხვდება.
ალექსანდრე ლუკაშენკოს თან ახლავს ბელორუსის სამთავრობო და ბიზნესდელეგაციები.
ორდღიანი ვიზიტის ფარგლებში ბელორუსის პრეზიდენტი ბათუმსაც ეწვევა.
