ბახრეინის ოპოზიციური პარტიის “ალ-ვიფაკი” მმართველი საბჭოს წარმომადგენელმა განაცხადა, რომ 2015 წლის მანძილზე სამეფოში 340 ოპოზიციონერია დაკავებული, რომელთა საერთო თავისუფლების აღკვეთის ჯამი 2783 წელია. როგორც ალ-მუსავმა თქვა, მიმდინარე მომენტში ქვეყნის ოპოზიციას აეკრძალა ნებისმიერი სახის აქციის ჩატარება, მათ შორის, მშვიდობიანი.
კუნძულ-სამეფოში არეულობები 2011 წელს დაიწყო და საპროტესტო აქციებმა ფართო მასშტაბები შეიძინა. მიუხედავად იმისა, რომ ქვეყანაში მთავრობის მტკიცებით რეფორმები გატარდა, ხშირად ხდება ტერაქტები, რომელიც ადგილობრივი სამართალდამცველების წინააღმდეგაა მიმართული. ბახრეინმა არა ერთხელ დაადანაშაულა ირანის მთავრობა შიიტი მეამბოხეების მხარდაჭერაში.