ამერიკის შეერთებულ შტატებს პრეზიდენტობის პირველი კანდიდატი ჰყავს.
რესპუბლიკელმა სენატორმა ტედ კრუზმა დაადასტურა, რომ 2016 წლის საპრეზიდენტო არჩევნებში მონაწილეობას მიიღებს.
44 წლის ტეხასელი სენატორი საკუთარ გეგმაზე დეტალურად დღეს ვირჯინიის უნივერსიტეტში სიტყვით გამოსვლის დროს ილაპარაკებს.
ტედ კრუზი სენატში 2012 წელს აირჩიეს. ბარაკ ობამას ჯანდაცვის რეფორმასთან დაკავშირებით, მას საკანონმდებლო ორგანოში ერთ-ერთი ყველაზე ხანგრძლივი, 21 საათიანი გამოსვლაც ჰქონდა.
კრუზის გარდა, შეერთებული შტატების პრეზიდენტობის კანდიდატებად ჯორჯ ბუშის ძმა, ჯებ ბუში, ნიუ-ჯერსის გუბერნატორი კრისი კრისტი და ყოფილი სახელმწიფო მდივანი, ჰილარი კლინტონიც სახელდებიან.
