აშშ საქართველოს 20 მილიონი დოლარის სამხედრო დახმარებას გაუწევს – ამის შესახებ “რია ნოვოსტი” ავრცელებს ინფორმაციას.
დახმარება პროგრამა “მოკავშირეთა გარანტიების გაძლიერების” ფარგლებში მოხდება. ამის შესახებ პენტაგონის პრეს-მდივანმა პიტერ კუკმა განაცხადა.
სამშაბათს აშშ-ს და საქართველოს თავდაცვის მინისტრების შეხვედრა შედგა. ეშტონ კარტერმა დაადასტურა აშშ-ს სურვილი საქართველოსთან ითანამშრომლოს მათ შორის ორმხრივი და მრავალმხრივი სწავლებების და ტრენინგების ფარგლებში.ასევე, პენტაგონის მეთაურმა დაადასტურა თბილისთან თანამშრომლობის კურსი საქართველო-ნატოს კომისიის ფორმატში.