გერმანიაში შპანგდალეს ავია-ბაზაში აშშ-მ მე-5 თაობის ოთხი ამერიკული გამანადგურებელი F-22 Raptor დააბინავა.
ამ ავია-გამანადგურებლების ევროპაში განთავსება პირველად ხდება.
როგორც აშშ-ს შტაბის ხელმძღვანელმა გენერალმა მარკ უელშმა განაცხადა, F-22 Raptor ევროპაში წვრთნებში მიიღებს მონაწილეობას. ნატოს სწავლებები, როგორც ვარაუდობენ, სექტემბრის შუა რიცხვამდე გაგრძელდება.
მრავალი დანიშნულების გამანადგურებელი F-22 Raptor კომპანიებმა Boeing და Lockheed Martin შექმნეს, ამერიკის სამხედრო ძალებმა კი 2005 წელს მიიღეს.
თვითმფრინავის შექმნისას “სტელსის” ტექნოლოგია იქნა გამოყენებული, რაც ნიშნავს იმას, რომ გამანადგურებელი მოწინააღდეგის რადარებისთვის ნაკლებად შესამჩნევია.