აშშ-ის მთავრობამ საქართველოს შემოსავლების სამსახურს 1 მილიონი აშშ დოლარის ღირებულების სწრაფი ინსპექტირების რენტგენოსკანერი (VACIS XPL) გადასცა. დანადგარი მოკლე დროში აშუქებს მსუბუქ და სამგზავრო ავტომობილებს, რაც სამართალდამცავ უწყებებს ისეთი უკანონო საქონლის იდენტიფიცირებაში ეხმარება, როგორიც არის მასობრივი განადგურების იარაღი და მისი კომპონენტები, ასაფეთქებელი ნივთიერებები და ნარკოტიკები. VACIS XPL განთავსდება ყველაზე დატვირთულ სასაზღვრო გამშვებ პუნქტში, სარფში.
