აფხაზური მედიის ცნობით, უკვე დასრულების სტადიაშია მოლაპარაკება აფხაზეთის დე-ფაქტო ხელისუფლებასა და რუსეთის მიერ ანექსირებული ყირიმის რესპუბლიკის დე-ფაქტო ხელისუფლებას შორის, რომლის მიხედვითაც აფხაზებმა ინერტული მასალები ყირიმში უნდა გაიტანონ… ამის შესახებ აფხაზურ მედიასთან დე-ფაქტო ხელისუფლების ეკონომიკის სამინისტროს ლიცენზირების სამმართველოს ხელმძღვანელმა იზეტ ხიბბამ განაცხადა.
ხიბბას განცხადებით, აფხაზეთის დე-ფაქტო პრემიერი არტურ მიქვაბია, მოსკოვში სამუშაო ვიზიტად ყოფნის დროს ყირიმის რესპუბლიკის დე-ფაქტო ლიდერს სერგეი აკსენოვს შეხვდა, სადაც მიღწეული იქნა კონკრეტული შეთანხმებები.
,,ახლა ყირიმის მხრიდან ჩვენ ველოდებით ტექნიკურ დავალებას, სადაც გაწერილი იქნება მასალის მოცულობა და ხარისხის მაჩვენებლები და ამ ტექ-დავალების საფუძველზე ჩვენ მოვამზადებთ ჩვენს წინადადებას,, განაცხადა ხიბბამ.
www.timer.ge