აფხაზური მედიით გავრცელებული ინფორმაციის მიხედვით, აფხაზურმა დელეგაციამ იტალიაში ვიზიტი დაასრულა…
იტალიური ტურნეს ბოლო დღეს, 16 სექტემბერს, აფხაზეთის დელეგაციამ ქალაქ ალტამურაში, იტალია-აფხაზეთის ურთოერთობებთან დაკავშირებული ასოციაციის ,,ევროპა-აფხაზეთის,, დამფუძნებელი საბჭოს მუშაობაში მიიღო მონაწილეობა.
გავრცელებული ინფორმაციით, ორგანიზაციის დამფუძნებელთა შორის, აფხაზური დელეგაციიდან მონაწილეობდნენ დე-ფაქტო საგარეო საქმეთა მინისტრი კან ტანია და ამავე სამინისტროს საინფორმაციო განყოფილების უფროსი თენგიზ აგრბა.
იმავე დღეს, აფხაზეთის დელეგაცია იტალიურ ქალაქ მატერაში ჩავიდა, სადაც აფხაზეთისა და ამ ქალაქის სავაჭრო-სამრეწველო პალატებს შორის გაფორმებული ხელშეკრულების განხორციელების გეგმებთან დაკავშირებით, დელეგაციის წევრები მატერას სავაჭრო-სამრეწველო პალატის პრეზიდენტს ანჯელო ტორტორელის შეხვდნენ.
www.timer.ge