აფხაზური მედიის ცნობით, აფხაზეთის ე.წ. რესპუბლიკაში საკონსტიტუციო ცვლილებები იგეგმება…
სამუშაო ჯგუფმა ვალერი აგრბას ხელმძღვანელობით, აფხაზეთის დე-ფაქტო პრეზიდენტ რაულ ხაჯინბას საკონსტუციო კანონში ცვლილების პროექტი წარუდგინა, რომელსაც ,,აფხაზეთის რესპუბლიკის პარლამენტში წევრთა რაოდენობრივი ცვლილების,, კანონპროექტი ჰქვია.
აღნიშნული ცვლილება აფხაზეთის ე.წ. კონსტიტუციაში, მიზნად ისახავს დე-ფაქტო პარლამენტის წევრთა რიცხვის გაზრდას, რაც დე-ფაქტო ხელისუფლებას საშუალებას მისცემს ადრე არსებული საარჩევნო პროპორციული სისტემიდან შერეულ სისტემაზე გადავიდეს და დე-ფაქტო პარლამენტში პარტიული ნიშნით შერჩეული წარმომადგენლების გარდა რეგიონალური (მაჟორიტარული) წარმომადგენლობაც ჰყავდეს, აცხადებენ სამუსაო ჯგუფის წევრები.
აფხაზური მედიის ცნობით, წარმოდგენილი საკონსტიტუციო ცვლილების პროექტი, უახლოეს ხანში აფხაზეთის დე-ფაქტო პარლამენტს გადაეგზავნება განსახილველად.