ჰოლივუდის მსახიობმა ანჯელინა ჯოლმა გაეროს უსაფრთხოების საბჭოზე გამოსვლისას ქვეყნებს მოუწოდა მეტი ძალისხმევა გაიღონ რათა დაეხმარონ სირიიდან დევნილ მოსახლეობას.
გაეროს სპეციალური ელჩის როლში გამოსვლისას ანჯელინა ჯოლმა თქვა, რომ სიტუაცია სირიაში იმის ილუსტრირებაა „თუ როგორ არ შეუძლია მსოფლიოს უდანაშაულოების დაცვა.“
მისი სიტყვებით, ძალების სრული მობილიზება ხალხის დასახმარებლად არ ხდება, რადგანაც გაეროს წევრი ქვეყნები იმაზე ვერ თანხმდებიან, თუ რა ფორმით დაეხმარონ ხალხს.
