აზერბაიჯანის პრეზიდენტი ილჰამ ალიევი 14 იანვარს საღამოს თურქეთის დედაქალაქ ანკარაში ოფიციალური ვიზიტით ჩავიდა. ვიზიტის მიზანი 15 იანვარს დაგეგმილი აზერბაიჯან-თურქეთის სტრატეგიული თანამშრომლობის უმაღლესი დონის IV სესიაზე დასწრებაა, რომელსაც თურქეთის პრეზიდენტი რეჯეფ ტაიპ ერდოგანიც დაესწრება. ჩასვლისთანავე ალიევი საკუთარ რეზიდენციაში მიიღო თურქეთის პრემიერმა ახმეთ დავითოღლუმ. პირისპირ შეხვედრაზე თურქეთის პრემიერმა და აზერბაიჯანის პრეზიდენტმა ნახევარი საათი დაჰყვეს და შემდეგ საქმიან ვახშამზე გადაინაცვლეს, რომელსაც დახურულ კარს მიღმა, ალიევისა და დავუთოღლუს გარდა დაესწრნენ თურქეთის ვიცეპრემიერი, ენერგეტიკის მინისტრი, კომუნიკაციების მინისტრი, დაზვერვის ხელმძღვანელი, პრემიერის მთავარი მრჩეველი და კიდევ რამდენიმე ოფიციალური პირი.
განხილულ საკითხებს შორის, თურქული მედიის ცნობით, ყარაბახის საკითხის მოგვარება, ბაქო-თბილისი-ყარსის რკინიგზის მშენებლობისა და ეკონომიკური თანამშრომლობის საკითხებია.
