უკრაინის ჯანდაცვის სამინისტრო ალექსანდრე კვიტაშვილის გადადგომის შესახებ გავრცელებულ ინფორმაციას უარყოფს. უწყების პრეს–სამსახურის მტკიცებით, გავრცელებული ცნობა სიმართლეს არ შეესაბამება.
კვიტაშვილის გადადგომის შესახებ დღეს სოციალურ ქსელში ფრაქცია “პეტრე პოროშენკოს ბლოკის” წევრმა იგორ კონონენკომ დაწერა. მისივე თქმით, მინისტრთა კაბინეტს კვიტაშვილის განცხადება ჯერ არ განუხილავთ. დეპუტატები ჯანდაცვის მინისტრს ადანაშაულებენ, რომ ის არათუ რეფორმებს არ ატარებს, არამედ რადას მიერ მიღებული კანონების რეალიზებისთვისაც არაფერს აკეთებს.