,,ალბათ გვეპატიება, თუ თავს დავიწყებულ მოკავშირედ ჩავთვლით”

ბიძინას მაფიოზობა საქართველოში არ გამოუვა

ალბათ გვეპატიება, თუ თავს დავიწყებულ მოკავშირედ ჩავთვლით, – ამის შესახებ საქართველოს თავდაცვის ყოფილი მინისტრი, “თავისუფალი დემოკრატების” ლიდერი ირაკლი ალასანია უცხოურ გამოცემა Politico-ში გამოქვეყნებულ წერილში საუბრობს. მასალა სათაურით “დავიწყებული მოკავშირე” ვებგვერდზე www.politico.eu დღეს გამოქვეყნდა. სტატიის თარგმანი ,,თაიმერს” პარტია “თავისუფალი დემოკრატებმა” მიაწოდეს.
თავდაცვის ყოფილი მინისტრი წერილში ავღანეთის მისიაში საქართველოს მონაწილეობაზე საუბრობს და ცოტა ხნის წინ დაღუპულ ვასილ ყულჯანიშვილს იხსენებს.
“22 წლის ვასილ ყულჯანიშვილი გასულ კვირას ავღანეთში, საკუთარ მოვალეობას – საპატრულო მისიას ასრულებდა, როცა მოკლეს. სახლიდან შორს, ფართო საერთაშორისო საზოგადოების ძალისხმევასა და მიზნებს იგი საკუთარი სიცოცხლის ფასად იცავდა. რიგითი ყულჯანიშვილი 31-ე ქართველი ჯარისკაცია, რომელიც საბრძოლო მოქმედებების დროს დაიღუპა იმ ათი წლის მანძილზე, რაც საქართველო ნებაყოფლობით გახდა ავღანეთში, ნატო-ს ხელმძღვანელობით ჩატარებული მოქმედებების ყველაზე დიდი კონტრიბუტორი ერთ სულ მოსახლეზე გათვლით (ამერიკის შეერთებული შტატების შემდეგ). საქართველო დღემდე არც ნატო-ს წევრია და არც ალიანსში გაწევრიანებისთვის საჭირო ზუსტი სამოქმედო გეგმა მიუღია. ალბათ გვეპატიება, თუ თავს დავიწყებულ მოკავშირედ ჩავთვლით”, – წერს ირაკლი ალასანია.
თავდაცვის ყოფილი მინისტრი უკრაინის მაგალითზეც საუბრობს და მიიჩნევს, რომ უკრაინელებსაც აქვთ მიზეზი, თავი დავიწყებულად და მიტოვებულად იგრძნონ.
“უკრაინელებსა და რუსეთის მიერ ზურგგამაგრებულ სეპარატისტებს შორის ცეცხლის შეწყვეტის შესახებ შეთახმების დროდადრო დარღვევასთან ერთად, ჩვენი მეგობრები და მეზობლები უკრაინაში, დასავლეთის იმედზე ყოფნის მწარე გაკვეთილს იმკიან. უკრაინის ევრომოედანმა კორუმპირებული ლიდერი დაამარცხა და გააძევა, მაგრამ შემდეგ ჩვენი საერთო, მძლავრად მილიტარიზებული ჩრდილოელი მეზობლის რისხვა გამოიწვია. ეს ის გაკვეთილია, რომელიც ჩვენ ჩვენი მწარე გამოცდილებიდან კარგად ვიცით. სწორედ ამიტომ, ჩვენ და უკრაინელებს, არსებით საკითხებში კარგად გვესმის ერთმანეთის. უკრაინელებსაც აქვთ მიზეზი, რომ თავი დავიწყებულად და მიტოვებულად იგრძნონ”, – წერს ირაკლი ალასანია.

banner
წინა სტატიაშიგურიის საპატრულო პოლიციას ახალი ხელმძღვანელი ჰყავს
შემდეგი სტატია“არ გამოვრიცხავ რევოლუციურ სცენარს და დაახლოებით, 2003 წლის პროცესების განვითარებას”