ლეიბორისტები თბილისში ელექტროენერგიაზე ტარიფების ზრდას აპროტესტებენ-განცხადება ამის შესახებ პარტიის ოფისში, პარტიის ლიდერმა შალვა ნათელაშვილმა გააკეთა.
_ ათასწლეულის მატყუარა მილიარდელი ივანიშვილი რეგიონების შემდეგ, დღეს უკვე თბილისში აძვირებს ელექტროენერგიას. ამით ის კიდევ ერთხელ სწირავს ხალხს გენოციდის ტოლფასი უმძიმესი განსაცდელისთვის.
ამ დანაშაულის შემდეგ ოლიგარქს არა თუ პოლიტიკური ლიდერობის, არამედ ქართულ მიწაზე სიარულის უფლებაც აღარ აქვს.
კიდევ ერთელ ვაცხადებთ, მილიონერთა რეჟიმის შეცვლისთანავე, რაც მალე მოხდება, მთელი ენერგოსისტემა იქნება ნაციონალიზებული, ის დაუბრუნდება ხალხს, ხოლო მოსახლეობას, ელექტროენერგიის სამართლიან ტარიფს, დაუდგენს არა მილიონერთა სინდიკატი, არამედ სახელმწიფო.
გარდა ამისა, მალე დაიწყება ამ ბარბაროსულად გაძვირებულ ფასებზე, ჩვენი სარჩელის განხილვა სასამართლოში.
ბრძოლა საბოლოო გამარჯვებამდე–აცხადებს შალვა ნათელაშვილი
