ავტოსაგზაო შემთხვევა დღეს დილით თბილისში, თამარაშვილის ქუჩაზე მოხდა. გაჩერებაზე მდგომ ოჯახს მსუბუქი ავტომობილი შეეჯახა.
სავარაუდოდ, მანქანა მაღალი სიჩქარით მოძრაობდა, რადგან ადგილზე გაჩერების კონსტრუქცია განადგურებულია.
მძიმე დაზიანებები, წინასწარი ინფორმაციით, მამამ და შვილებმა მიიღეს. ამ წუთებში მათ ოპერაცია უტარდებათ. საავადმყოფოში კომენტარს ჯერ-ჯერობით არ აკეთებენ. დაზიანებების გარეშე გადარჩა დედა.
დაშავებულია მსუბუქი ავტომობილის მძღოლიც.
თვითმხილველების ინფორმაციით, სასწრაფომ დაიგვიანა. თუმცა, 112-ში აცხადებენ, რომ პირველი გამოძახება 09.03 საათზე მიიღეს და ბრიგადა ადგილზე უკვე 5 წუთში იყო.
