ავტოსაგზაო შემთხვევა მოხდა კახეთი-თბილისის დამაკავშირებელ ცენტრალურ მაგისტრალზე.
ერთმანეთს საწინააღმდეგო მიმართულებით მიმავალი მსუბუქი და სატვირთო ავტომანქანები შეეჯახა, რის შედეგადაც 3 ადამიანი, მათ შორის, ერთი ქალბატონი გარდაიცვალა, ორი კი, მძიმედ დაშავდა. დაშავებულები გურჯაანის რეფერალურ საავადმყოფოში გადაიყვანეს.
ადგილზე საპატრულო პოლიციისა და სამაშველო სამსახურის თანამშრომლები არიან მობილიზებულები.
შსს-ს ინფორმაციით, მომხდარზე მოკვლევა უკვე დაიწყო.