ავსტრალიის მთავრობის ორმა მნიშვნელოვანმა წევრმა ქვეყნის პრემიერ-მინისტრის ტონი ებოტის თანამდებობიდან გათავისუფლება მოითხოვა. მათი თქმით, მიზეზი პრემიერის ეკონომიკური პოლიტიკაა.
დღეს დილით ებოტი საგარეო საქმეთა და კომუნიკაციების მინისტრებს ჯული ბიშოპს და მალკოლმ ტერნბულს შეხვდა, რომელთაც მას ლიბერალური პარტიის შიდა კენჭისყრის ჩატარება სთხოვეს.
ტერნბულის თქმით, თუკი ებოტი 2016 წლის არჩევნებამდე პრემიერ-მინისტრის პოსტს შეინარჩუნებს, პარტია არჩევნებზე ვერ გაიმარჯვებს.
“მე შევხვდი პრემიერ-მინისტრს და ინფორმაცია მივაწოდე, რომ ლიბერალური პარტიის ლიდერობისთვის ვიბრძოლებ. მე მას ვთხოვე პარტიის ყრილობის მოწვევა, რომ კენჭისყრა გახდეს შეასძლებელი” – განაცხადა ტერნბულმა ჟურნალისტებთან საუბრისას.
