თელავში ავტოსაგზაო შემთხვევას 20 წლის ახალგაზრდა ემსხვერპლა. ამ მომენტისათვის არსებული მონაცემებით, დაშავებულია ავტომობილის მძღოლიც. იგი მოტეხილობებითა და სხვადასხვა სახის დაზიანებებით თელავის რეფერალურ საავადმყოფოშია გადაყვანილი. ექიმების თქმით, მისი ჯანმრთელობის მგდომარეობა მძიმეა.
შემთხვევა თბილისი-თელავის გზატკეცილზე მოხდა. თბილისიდან თელავის მიმართულებით მიმავალი გოლფის მარკის ავტომობილი გზის სავალი ნაწილიდან გადავიდა, ხეს შეეჯახა და რამდენჯერმე ამობრუნდა.
ადგილზე სამაშველო და საპატრულო პოლიციის თანამშრომლები იყვნენ მობილიზებულები.
წინასწარი ინფორმაციით, ავარიის მიზეზი გადაჭარბებული სიჩქარე გახდა.
