“შალვა აბულაძის ინფორმაციაზე, რომელიც მის მიმართ საფრთხეებს გულისხმობს, კანონით გათვალისწინებული რეაგირება მოხდება”

news
ავტ.: news აპრილი 11, 2015 14:19

“შალვა აბულაძის ინფორმაციაზე, რომელიც მის მიმართ საფრთხეებს გულისხმობს, კანონით გათვალისწინებული რეაგირება მოხდება”

ბრალდებულ შალვა აბულაძის ინფორმაციაზე, რომელიც მის მიმართ საფრთხეებს გულისხმობს, კანონით გათვალისწინებული რეაგირება მოხდება, – ამის შესახებ საქალაქო სასამართლოში აღკვეთის ღონისძიებასთან დაკავშირებული სხდომის დასრულების შემდეგ საქმის პროკურორმა დავით ნეფარიძემ განაცხადა. პროკურორის თქმით, ის ინფორმაცია, რომელიც ბრალდებულმა სასამართლოს წინაშე გაახმოვანა, პროკურატურისთვის ამ დრომდე უცნობი იყო.
“ინფორმაცია ბრალდების მხარისთვის დღეს გახდა ცნობილი, კანონით გათვალისწინებული რეაგირება მოხდება იმაზე, რაც თქვა ბრალდებულმა”, – განაცხადა პროკურორმა.
ბრალდებული შალვა აბულაძე, მის მთავარ მტრად მამუკა ხაზარაძეს ასახელებს. როგორც აბულაძემ პროცესზე განაცხადა, იგი თანახმაა პატიმრობაში დარჩეს, რადგან გათავისუფლების შემთხვევაში მისი ფიზიკური ანგარიშსწორების საფრთხე არსებობს.
პროკურორ დავით ნეფარიძის განმარტებით, შალვა აბულაძეს ბრალად ედება ორი პოლიციელის სიცოცხლის მოსპობა 23 იანვარსა და 4 აპრილს, ასევე ცეცხლსასროლი იარაღის მართლსაწინააღმდეგო შეძენა-შენახვა-ტარება.

news
ავტ.: news აპრილი 11, 2015 14:19

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics