უკრაინის აღმოსავლეთ რეგიონებში კი შეტაკებები გრძელდება. პრორუსმა სეპარატისტებმა ბოლო 24 საათის განმავლობაში სამთავრობო ძალების პოზიციებს ცეცხლი 103–ჯერ გაუხსნეს.
გავრცელებული ცნობით, რამდენიმე ჭურვი წუხელ დონეცკში საცხოვრებელ სახლებთან აფეთქდა. შედეგად 3 მშვიდობიანი მოქალაქე დაიღუპა, 10 კი დაშავდა.
პეტრე პოროშენკოს თქმით, უკრაინელი სამხედროები ყველა ფრონტზე იგერიებენ თავდასხმებს. პრეზიდენტის ცნობითვე, მობილიზაციის ფარგლებში გამოძახებული 45 ათასი ადამიანი საწვრთნელ ცენტრებში უკვე გაგზავნეს.
