უზენაესი სასამართლოს თავმჯდომარეობის კანდიდატად პრეზიდენტმა ნინო გვენეტაძე დაასახელა

news
: news თებერვალი 17, 2015 12:08

უზენაესი სასამართლოს თავმჯდომარეობის კანდიდატად პრეზიდენტმა ნინო გვენეტაძე დაასახელა

უზენაესი სასამართლოს თავმჯდომარეობისთვის პრეზიდენტი პარლამენტს განსახილველად ნინო გვენეტაძის კანდიდატურას წარუდგენს.

განცხადება ამის შესახებ გიორგი მარგველაშვილმა რამდენიმე წუთის წინ საგანგებო ბრიფინგზე გააკეთა, რომელსაც თავად გვენეტაძეც ესწრებოდა.

მოსამართლე ნინო გვენეტაძე პრეზიდენტს არასამთავრობო ორგანიზაცია “ახალგაზრდა ადვოკატებმა” წარუდგინეს.

პრლამენტი პრეზიდენტის მიერ შეთავაზებული კანდიდატურის განხილვას, კანონმდებლობის მიხედვით, საკომიტეტო მოსმენებზე დაიწყებს, რის შემდეგაც საკითხი დასამტკიცებლად სესიაზე გავა.

უზენაესი სასამართლოს ახალი თავმჯდომარის არჩევისთის პარლამენტში, მინიმუმ, 76 ხმა არის საჭირო.

იმ შემთხვევაში, თუ გვენეტაძის კანდიდატურა არ დამტკიცდება, პრეზიდენტმა საკანონმდებლო ორგანოს კიდევ ერთხელ უნდა წარუდგინოს კანდიდატურა, თუმცა მას არ აქვს უფლება პარლამენტში განსახილველად ისევ იგივე პირი წარადგინოს.

გიორგი მარგველაშვილს კანდიდატურების წარდგენამდე მოლაპარაკებები ჰქონდა, როგორც საპარლამენტო უმრავლესობისა და ოპოზიციის, ისე არასაპარლამენტო ოპოზიციის წარმომადგენლებთან და ასევე არასამთავრობო ორგანიზაციებთან.

შეგახსენებთ, რომ უზენაესი სასამართლოს მოქმედ ხელმძღვანელს კოტე კუბლაშვილს უფლებამოსილების ვადა 23 თებერვალს ეწურება.

news
: news თებერვალი 17, 2015 12:08

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,971
ვიზიტორი
დღეში
Powered By Google Analytics