სირიაში დაღუპული 24 წლის დავით სვიაკაურის მშობლები პირველ კომენტარს აკეთებენ და აცხადებენ, რომ შვილის სირიაში გადასვლის შესახებ მხოლოდ მას შემდეგ შეიტყვეს, რაც ახალგაზრდა მებრძოლმა საკუთარი ფოტოები სოციალურ ქსელში გაავრცელა.
გარდაცვლილის მამის, იოსებ სვიაკაურის თქმით მისი შვილი 2 წლის წინ თურქეთში სამუშაოდ წავიდა. გარკვეული პერიოდის შემდეგ დავით სვიაკაურმა მშობლებთან კონტაქტი შეწყვიტა და სწორედ ამის შემდეგ გაიგეს ოჯახში მისი სირიაში გადასვლის შესახებ.
შეგახსენებთ, რომ პანკისის ხეობის სოფელ ხალაწანში მცხოვრები დავით სვიაკაური სირიაში საბრძოლო შეტაკების დროს დაიღუპა. ის ხეობიდან წასული უკვე რიგით მეათე ადამიანია, რომელიც გარდაიცვალა.
