სერგო რატიანი – ყველას ინტერესებშია, რომ თუ შესაძლებელია, ჟვანიას სიკვდილთან დაკავშირებით საქმემ წინ წაიწიოს

news
ავტ.: news თებერვალი 5, 2015 12:25

სერგო რატიანი – ყველას ინტერესებშია, რომ თუ შესაძლებელია, ჟვანიას სიკვდილთან დაკავშირებით საქმემ წინ წაიწიოს

საპარლამენტო უმცირესობის წევრის, სერგო რატიანის განცხადებით, ზურაბ ჟვანიას საქმის გამოძიება ყველას ინტერესებში უნდა შედიოდეს და ის პოლიტიკური განხილვის საგანი არ უნდა იყოს.
როგორც რატიანმა ჟურნალისტებთან საუბარში განაცხადა, მსგავსი საკითხის წამოწევა დღეს, არჩევნების ან პოლიტიკური კრიზისის დროს ხდება.
,,ჯერ აანონსებენ ამას პოლიტიკოსები და შემდეგ პროკურატურა იმეორებს მსგავს ბრალდებებს. ყველას ინტერესებში არის, რომ თუ შესაძლებელია ზურაბ ჟვანიას სიკვდილთან დაკავშირებით საქმემ წინ წაიწიოს. ეს უნდა გააკეთონ არა მაშინ, როდესაც ეს პოლიტიკურად სჭირდებათ, არჩევნების დროს ან როდესაც კრიზისია და ამით ცდილობენ გადაფარონ სხვა თემები”, – განაცხადა რატიანმა.
პროკურატურამ ზურაბ ჟვანიასა და რაულ უსუპოვის გარდაცვალების საქმეზე ყოფილ მთავარ პროკურორს მამუკა გვარამიას და ლევან სამხარაულის სახელობის სასამართლო ექსპერტიზის ეროვნული ბიუროს უფროსის ყოფილ მოადგილეს როსტომ ლაზარიას ბრალი წარუდგინა. მათ უფლება-მოსილების გადამეტება და მტკიცებულებების გაყალბება ედებათ ბრალად.
სასამართლომ გუშინ მამუკა გვარამიას და როსტომ ლაზარიას აღკვეთის ღონისძიებად 3-3 ათასლარიანი გირაო შეუფარდა.

news
ავტ.: news თებერვალი 5, 2015 12:25

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


15,060
ვიზიტორი
დღეში
Powered By Google Analytics