“კატეგორიულად უაზრო წამოწყება, ასეთი იდეების მქონე ადამიანების ხელისფლებაში ყოფნა დღეს საშიშია,” – ასე აფასებს არასამთავრობო ორგანიზაცია “ახალი ეკონომიკური სკოლა-საქართველოს” პრეზიდენტი პაატა შეშელიძე “სავალუტო ფონდისგან” სესხის აღების ინიციატივას. შეშელიძის თქმით, ინფრასტრუქტურის განვითარება ეკონომიკას ვერ განავითარებს.
ექსპერტი რომან გოცირიძე კი აცხადებს, რომ მთავრობის განცხადება „სავალუტო ფონდისგან” სესხის აღებასთან დაკავშირებით უცნაურია. გოცირიძის თქმით, სესხის აღება ნიშნავს ბიუჯეტის დეფიციტის ზრდას. მისი თქმით, იმის მაგივრად, რომ მთავრობამ ბიუჯეტის კორექტირება მოახდინოს, რომელიც არასწორად იყო დაგეგმილი, პირიქით, სესხის აღებას ამართლებს, რაც არ არის სწორი.
ლარის გაუფსაურებასთან დაკავშირებით, უკმაყოფილებას გამოთქვამს მოსახლეობაც.
