საქართველოში პირველი საუნივერსიტეტო კლინიკა გაიხსნა

news
ავტ.: news მარტი 25, 2015 17:04

საქართველოში პირველი საუნივერსიტეტო კლინიკა გაიხსნა

პრემიერმა-მინისტრმა, კაბინეტის წევრებთან ერთად, დღეს საქართველოში პირველი საუნივერსიტეტო კლინიკა გახსნა.

ყოფილი მე-8 საავადმყოფოს შენობა მთლიანად შეკეთდა და მაღალი ტექნოლოგიებით აღიჭურვა.

კლინიკა 185-საწოლიანი იქნება და მასში 600 ადამიანი დასაქმდება. საავადმყოფო მრავალფუნქციურია. იქ მომზადებას გაივლის 6 ათასზე მეტი ქართველი და 2 ათასამდე უცხოელი სტუდენტი.

ირაკლი ღარიბაშვილის თქმით, სტუდენტებს საშუალება მიეცემათ, თეორიულ ცოდნასთან ერთად, პრაქტიკული გამოცდილება მიიღონ.

საუნივერსიტეტო კლინიკის გახსნასთან დაკავშირებით საქართველოს შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, ეს არ იქნება იზოლირებული დაწესებულება, არამედ უმძლავრესი კლინიკური ბაზა, რომელიც მნიშვნელოვან შეღავათს მისცემს საქართველოს მოქალაქეებს.

საუნივერსიტეტო კლინიკის გახსნას ეფექტური ნაბიჯი უწოდა საქართველოს განათლებისა და მეცნიერების მინისტრმა თამარ სანიკიძემ.

news
ავტ.: news მარტი 25, 2015 17:04

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


24,138
ვიზიტორი
დღეში
Powered By Google Analytics