საქართველოსა და ირანის თანამშრომლობის ერთობლივი კომისიის ფარგლებში მემორანდუმი გაფორმდა

news
ავტ.: news მაისი 19, 2015 18:37 განახლებულია

საქართველოსა და ირანის თანამშრომლობის ერთობლივი კომისიის ფარგლებში მემორანდუმი გაფორმდა

მნიშვნელოვანი

  • საქართველოს ვიცე–პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა ხელი მოაწერა ურთიერთგაგების მემორანდუმს, რომლითაც განისაზღვრა საქართველოსა და ირანს შორის ორმხრივი სამომავლო თანამშრომლობის მიმართულებები.

სხვა სტატიები

საქართველოს ვიცე–პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა ხელი მოაწერა ურთიერთგაგების მემორანდუმს, რომლითაც განისაზღვრა საქართველოსა და ირანს შორის ორმხრივი სამომავლო თანამშრომლობის მიმართულებები.
როგორც “თაიმერს” ეკონომიკისა და მდგრადი განვითარების სამინისტროს პრესსამსახურიდან აცნობეს, დოკუმენტს ირანის ისლამური რესპუბლიკის მხრიდან ხელი მოაწერა კოოპერაციის, შრომის და სოციალური კეთილდღეობის მინისტრმა დოქტორმა რაბი”იმ.
მემორანდუმი საქართველო–ირანის თანამშრომლობის ერთობლივი კომისიის მეხუთე სხდომის ფარგლებში მომზადდა. აღსანიშნავია, რომ კომისიის სხდომა ბოლო ათი წლის მანძილზე პირველად ჩატარდა.
საქართველოს ვიცე–პრემიერის, გიორგი კვირიკაშვილის განცხადებით, ორმხრივი ეკონომიკური თანამშრომლობის ერთობლივი კომისიის სხდომაზე განიხილეს ძალიან მნიშვნელოვანი საკითხები. ვიცე-პრემიერის თქმით, მხარეები შეთანხმდნენ, რომ საექსპერტო ჯგუფები მუშაობას განაახლებენ მთელ რიგ სფეროებში, რომელთა შორისაა ენერგეტიკა, ტურიზმი, სოფლის მეურნეობა, ჰიდროენერგეტიკა, თანამშრომლობა წყლის სექტორში, საქართველოს გამოყენების შესაძლებლობა ირანული ენერგომატარებლების ტრანზიტისთვის ევროპის მიმართულებით, აგრეთვე განათლება, მეცნიერება და კულტურული ურთიერთობები.
“სასიხარულოა, რომ ირანის მხრიდან ფიქსირდება ძლიერი სურვილი, რათა საქართველოსთან ეკონომიკური თანამშრომლობა თვისობრივად ახალ ეტაპზე გადავიდეს. ჩვენ ამას მივესალმებით”, – აღნიშნა საქართველოს ეკონომიკისა და მდგრადი განვითარების მინისტრმა.
ირანის ისლამურ რესპუბლიკაში ორდღიანი ვიზიტის ფარგლებში გიორგი კვირიკაშვილი ასევე შეხვდა ირანის პირველ ვიცე–პრეზიდენტს, ასევე საგარეო საქმეთა და ნავთობის მინისტრებს. საქართველოს დელეგაციის ვიზიტი ირანში 19 მაისს დასრულდება.

news
ავტ.: news მაისი 19, 2015 18:37 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,111
ვიზიტორი
დღეში
Powered By Google Analytics