საინციატივო ჯგუფი დეპუტატ თამაზ მეჭიაურისგან ბოდიშის მოხდას ითხოვს

news
ავტ.: news სექტემბერი 3, 2015 09:12

საინციატივო ჯგუფი დეპუტატ თამაზ მეჭიაურისგან ბოდიშის მოხდას ითხოვს

ინტერნეტმომხმარებლებმა პარლამენტის წევრ თამაზ მეჭიაურისგან ბოდიშის მოხდის მოთხოვნით პეტიციაზე ხელმოწერების შეგროვება დაიწყეს. კერძოდ ვებგვერდ manifest.ge– ზე საინიციატივო ჯგუფი მიმართავს საქართველოს პარლამენტს, თამაზ მეჭიაურმა ბოიდში მოიხადოს გუშინდელი განცხადების გამო, რომელიც საქართველოს პრეზიდენტის შესახებ გააკეთა.
“2015 წლის 2 სექტემბერს, პარლამენტის პლენარულ სხდომაზე სიტყვით გამოსვლისას პარლამენტარმა თამაზ მეჭიაურმა, საქართველოს პრეზიდენტი მოიხსენია, როგორც “ენჯეოშნიკი სოროსელი”, რომელიც “ნერვებს უშლის” (იგულისხმებოდა ვეტოს უფლების გამოყენება) მასაც და მოსახლეობასაც. მივიჩნევთ, რომ პარლამენტის წევრის მიერ პრეზიდენტის მსგავსი შეფასება წარმოადგენს პრეზიდენტის, როგორ ინსტიტუტის შეურაცხყოფას, ატარებს უკიდურესად ნეგატიურ ხასიათს და არ შეესაბამება დემოკრატიულ სახელმწიფოში ხელისუფლების შტოებს შორის დამოკიდებულების პრინციპებს. თავის გამოსვლით თამაზ მეჭიაურმა ასევე დამამცირებელი და შეურაცხმყოფელი კონტექსტი მიანიჭა არასამთავრობო სექტორის წევრობას და კონკრეტულ არასამათავრობო ორგანიზაციას, რაც ასევე მიუღებელი და აღმაშფოთებელია.
მოვითხოვთ, რომ თამაზ მეჭიაურმა ბოდიში მოიხადოს საზოგადოების წინაშე პარლამენტის წევრისათვის შეუფერებელი, სამთავრობო და არასამთავრობო სექტორისათვის შეურაცხმყოფელი პოზიციის გამო”-ნათქვამია პეტიციაში.
პეტიციაზე ამ დროისთვის 170-მდე მეტი ადამიანი აწერს ხელს. ხელმოწერები გრძელდება.

საფინანსო-საბიუჯეტო კომიტეტის თავმჯდომარემ ბიძინა ივანიშვილი  გუშინ გააკრიტიკა. თამაზ მეჭიაური ყოფილი პრემიერის მიერ საპრეზიდენტო კანდიდატად მარგველაშვილის არჩევას შეცდომად მიიჩნევს.

„კიდევ რაში დავადანაშაულებ ბატონ ბიძინა ივანიშვილს, რომ მან ერთი ენჯეოშნიკი სოროსელი, როცა მას ეჭირა საქსოვი ჩხირები ის გააგდებინა და ვეტოთი აღჭურვა და დღეს ნერვებს გვიშლის ჩვენც და მოსახლეობასაც,“-განაცხადა მეჭიაურმა.

 

news
ავტ.: news სექტემბერი 3, 2015 09:12

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics