საიდუმლო საქმეებით სპეკულირება ვაჟკაცების საქმე არ არის–ირაკლი ღარიბაშვილი

თაიმერი timer.ge
ავტ.: თაიმერი timer.ge მარტი 26, 2015 12:22

1561553109_805525636205181_7625655596902711605_oსაქართველოს პრემიერ-მინისტრი ირაკლი ღარიბაშვილი თავდაცვის ყოფილ მინისტრ ირაკლი ალასანიას განცხადებებს “უზნეო საქმეს” უწოდებს და აცხადებს, რომ საიდუმლო საქმეებით სპეკულირება ვაჟკაცების საქმე არ არის.
ამის შესახებ ღარიბაშვილმა სასტუმრო “ჰოლიდეი ინნში” მიმდინარე პრესკონფერენციაზე, ირაკლი ალასანიას იმ განხაცდების კომენტირებისას განაცხადა, რომლის თანახმადაც, საფრანგეთში ვიზიტისას მინდია ჯანელიძემ დაურეკა და უთხრა, რომ საჰაერო უსაფრთხოების შეთანხმებაზე ხელი არ მოეწერა.
“ალასანიას განცხადებას რაც შეეხება, მე არ ვაპირებდი ამ თემაზე კომენტირებას. ვფიქრობ, ბატონმა მინდიამ გასცა უკვე პასუხი. ზოგადად მიმაჩნია, რომ მსგავსი საკითხის პოლიტიზება და ასეთი თემებით სპეკულირება აბსოლუტურად უზნეო საქმეა. მე არ ვისურვებდი ამ თემაზე რაიმე სერიოზული განცხადების კომენტირებას. მიმაჩნია, რომ ასეთი სახელმწიფოებრივად მნიშვნელოვანი საიდუმლო საქმეებით სპეკულირება არ არის ვაჟკაცების საქმე”, – განაცხადა ირაკლი ღარიბაშვილმა.

თაიმერი timer.ge
ავტ.: თაიმერი timer.ge მარტი 26, 2015 12:22