“სააკაშვილმა წამომიყენა მოთხოვნა, რომ უნდა დამეთმო ტელევიზია იმისთვის, რომ ჩემს ოჯახს და მე პრობლემები არ გვქონოდა”

news
ავტ.: news ოქტომბერი 27, 2015 13:10

“სააკაშვილმა წამომიყენა მოთხოვნა, რომ უნდა დამეთმო ტელევიზია იმისთვის, რომ ჩემს ოჯახს და მე პრობლემები არ გვქონოდა”

ბიზნესმენ ქიბარ ხალვაშის განმარტებით, მას 2006 წლის 16 ნოემბერს პირადად ესაუბრა მიხეილ სააკაშვილი, რომელმაც მოსთხოვა, რომ პრობლემების თავიდან აცილების მიზნით, ტელეკომპანია სხვისთვის გადაეფორმებინა. მისივე თქმით, 2006 წლის 17 ნოემბერს „რუსთავი 2“ დიმიტრი ქიტოშვილს გადაუფორმეს.

„მოპასუხეები რაზეც საუბრობენ, არის მიშა სააკაშვილის და ნიკა გვარამიას ტექსტი. 2006 წლის 16 ნოემბერს, 22:30 საათზე შევედით სალაპარაკოდ და პრეზიდენტმა სააკაშვილმა წამომიყენა მოთხოვნა, რომ უნდა დამეთმო ტელევიზია იმისთვის, რომ ჩემს ოჯახს და მე პრობლემები არ გვქონოდა. 2006 წლის 17 ნოემბერს დილით ქიტოშვილი მოვიდა და გადაუფორმეს „რუსთავი 2“. მე კომპანიაში გადამიხადეს 300 ათასი ლარი, მე კი 7 მილიონ 300 ათას დოლარად ვიყიდე“, – განაცხადა ხალვაშმა.

შეგახსენებთ, რომ პრეზიდენტის რეზიდენციაში, „რუსთავი 2“-ის საქმესთან დაკავშირებით, საქართველოს პრეზიდენტი გიორგი მარგველაშვილი ბიზნესმენ ქიბარ ხალვაშს შეხვდა.

news
ავტ.: news ოქტომბერი 27, 2015 13:10

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


20,972
ვიზიტორი
დღეში
Powered By Google Analytics