პრემიერ-მინისტრი ეუთო-ში მუდმივ წარმომადგენლებს შეხვდა

news
ავტ.: news ნოემბერი 2, 2015 10:20

პრემიერ-მინისტრი ეუთო-ში მუდმივ წარმომადგენლებს შეხვდა

თბილისში ეუთო-ში აშშ-ის, კანადის, ლიტვის, რუმინეთისა და შვედეთის მუდმივი წარმომადგენლები საქართველოში 2008 წლის ივლისის შემდგომ პირველად იმყოფებიან.

დიპლომატებს საქართველოს პრემიერ-მინისტრი ირაკლი ღარიბაშვილი შეხვდა.

ქვეყანაში მიმდინარე დემოკრატიული რეფორმები, რუსეთ-საქართველოს ურთიერთობები და ოკუპირებულ ტერიტორიებზე არსებული ვითარება საუბრის მთავარი თემები იყო.

პრემიერმა ელჩებს საქართველოში სტუმრობისთვის მადლობა გადაუხადა და აღნიშნა, რომ ვიზიტი არის კარგი შესაძლებლობა ქვეყანაში არსებული ვითარების გასაცნობად.

საუბარი შეეხო საქართველოში ადამიანის უფლებების, სასამართლო სისტემის მიმართულებით განხორციელებულ დემოკრატიულ რეფორმებს, ასევე საქართველოს მთავრობის პრაგმატულ, კონსტრუქციულ პოლიტიკას რუსეთთან მიმართებაში და იმ პროგრესს, რომელიც ამ მიდგომამ სავაჭრო-ეკონომიკურ, ჰუმანიტარულ და კულტურულ ურთიერთობებში მოიტანა.

მხარეებმა ჟენევის საერთაშორისო დისკუსიების როლზეც ისაუბრეს, რომლის შემდეგი რაუნდი დეკემბერში გაიმართება.

news
ავტ.: news ნოემბერი 2, 2015 10:20

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,849
ვიზიტორი
დღეში
Powered By Google Analytics