“პატრიოტთა ალიანსი”: უბნებზე ამომრჩევლის მოსყიდვის ფაქტებია

news
ავტ.: news ოქტომბერი 31, 2015 16:14

“პატრიოტთა ალიანსი”: უბნებზე ამომრჩევლის მოსყიდვის ფაქტებია

“პატრიოტთა ალიანსის” საარჩევნო შტაბის ხელმძღვანელის გოჩა თევდორაძის განმარტებით, საგარეჯოში არჩევნები დილიდანვე უხეში დარღვევებით დაიწყო. ამის შესახებ მან რამდენიმე წუთის წინ გამართულ სპეციალურ ბრიფინგზე განაცხადა.

“დილიდანვე საარჩევნო უბნები დარღვევებით გაიხსნა. ათეულობით უბანზე საკონტროლო ფურცლის შევსების წესი ირღვევა. ეს უკვე ნიშნავს იმას, რომ არჩევნები ცუდად ტარდება. რამდენიმე უბანზე ჩვენ უკვე შევადგინეთ საჩივრის ოქმი და წარვადგინეთ საუბნო–საარჩევნო კომისიებში. ამის გარდა მთელ რიგ უბნებზე იყო დამატებითი ბიულეტები გაცემული, რომელიც იმთავითვე გამიზნული იყო გაყალბებისთვის”,– განაცხადა გოჩა თევდორაძემ.

მისივე განმარტებით, გამგებლები და რწმუნებულები საარჩევნო უბნებზე სახელისუფლებო კანდიდატის სასარგებლოდ პირდაპირ აგიტაციას ეწევიან.

“მათი მხრიდან ხდება ჩვენი წარმომადგენლების დაშინება. მოუწოდებენ მათ რომ დატოვონ საარჩევნო უბნების მიმდებარე ტერიტრორიები და არ მიიღონ აქტიური მონაწილეობა არჩევნებში. ასევე რიგ უბნებზე ჩვენს მიერ დაფიქსირდა  20–30 ლარის დარიგების ფაქტები ამომრჩევლებისათვის. ჩვენი ინფორმაციით, ფულის დარიგება ხდება იმ უბნებზე სადაც სახელისუფლებო კანდიდატებს მათი წინასწარი მონაცემებით სუსტი პოზიციები ჰქონდათ”,– განაცხადა გოჩა თევდორაძემ.

news
ავტ.: news ოქტომბერი 31, 2015 16:14

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,232
ვიზიტორი
დღეში
Powered By Google Analytics