ნოდარ ხადური: ახლა ჭორებზე საუბრის დრო არ არის

news
ავტ.: news მაისი 14, 2015 13:20

ნოდარ ხადური: ახლა ჭორებზე საუბრის დრო არ არის

საქართველოს ფინანსთა მინისტრი ნოდარ ხადური მისი შესაძლო გადადგომის შესახებ გავრცელებულ ინფორმაციას ჭორს უწოდებს.
“მე ვფიქრობ, ახლა ჭორებზე საუბრის დრო არ არის, საქართველოში ძალიან მნიშვნელოვანი ღონისძიება ტარდება. ვიღაც ჭორებით ცდილობს ამის გადაფარვას, რაც მე ვფიქრობ, არ არის სწორი”, – ასე უპასუხა ხადურმა გავრცელებულ ინფორმაციასთან დაკავშირებით ჟურნალისტების მიერ დასმულ შეკითხვას.
რაც შეეხება უშუალოდ ლარის კურსს, ფინანსთა მინისტრის განმარტებით, კურსის ასეთი ცვალებადობა არ არის განპირობებული არანაირი ეკონომიკური საკითხებით.
“ლარის კურსთან დაკავშირებით, აბსოლუტურად მიუღებელია ის, რაც დღეს ხდება საქართველოში. კურსის ასეთი ცვალებადობა არ არის განპირობებული არანაირი ეკონომიკური საკითხებით, იმიტომ, რომ ბოლო დღეებში პირიქით გაიზარდა ქვეყანაში შემოდინებები, ოდნავ გაიზარდა ექსპორტი და შემცირდა იმპორტი. ასე, რომ ვფიქრობ, ჩვენ გვექნება კომუნიკაცია ეროვნულ ბანკთან და დავსვამთ კითხვებს”, – აღნიშნა ნოდარ ხადურმა.

news
ავტ.: news მაისი 14, 2015 13:20

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


20,972
ვიზიტორი
დღეში
Powered By Google Analytics