„მოქალაქემ შემოხაზულ ბიულეტენს ფოტო ხელისუფლებისთვის საჩვენებლად გადაუღო“

news
ავტ.: news მაისი 31, 2015 15:56

„მოქალაქემ შემოხაზულ ბიულეტენს ფოტო ხელისუფლებისთვის საჩვენებლად გადაუღო“

67-ე ოლქის 45-ე უბანზე, ზუგდიდის რაიონის სოფელ ერგეტაში, საკრებულოს შუალედური არჩევნები მცირე დარღვევების ფონზე მიმდინარეობს.

არასამთავრობო ორგანიზაცია „მომავლის არჩევნის“ დამკვირვებლის, ბესიკ დონაძის თქმით, ადგილობრივი ხელისუფლების მხრიდან მოქალაქეებზე მუქარა ხორციელდება.

დონაძის განმარტებით, ამომრჩეველ ზოია გადელიას, მას შემდეგ რაც გაამხილა, რომ ბიულეტენზე შემოხაზული არჩევანი ადგილობრივი ხელისუფლებისთვის უნდა ეჩვენებინა, საარჩევნო უბნის მიმდებარე ტერიტორია დაატოვებინეს.

„საარჩევნო კაბინაში ფოტოს გადაღების ხმა მესმოდა. როდესაც ქალბატონს შენიშვნა მივეცი და ვუთხარი, თუ რატომ უღებდა ფოტოს ბიულეტენებს, მან ასეთი პასუხი გამცა – ადგილობრივმა ხელისუფლებამ დამავალა ბიულეტენზე შემოხაზულ პოლიტიკურ პარტიას ფოტო გადაუღე და გვაჩვენეო. ეს არის დარღვევა, რაზეც შესაბამისი რეაგირება მოვახდინე“,- ამბობს ბესიკ დონაძე.

შეგახსენებთ, რომ სენაკისა და ზუგდიდის ოლქების ზოგიერთ უბნებში საკრებულოს შუალედური არჩევნები მიმდინარეობს.

news
ავტ.: news მაისი 31, 2015 15:56

Google სტატისტიკა


1,942
ვიზიტორი
დღეში
Powered By Google Analytics