მორიგი ტაქტიკური სწავლება ბაგრამის საავიაციო ბაზაზე

news
: news იანვარი 18, 2015 11:46

მორიგი ტაქტიკური სწავლება ბაგრამის საავიაციო ბაზაზე

მნიშვნელოვანი

  • ავღანეთში, ბაგრამის საავიაციო ბაზაზე მორიგი ტაქტიკური სწავლება გაიმართა. წვრთნაში საქართველოს შეიარაღებული

სხვა სტატიები

ავღანეთში, ბაგრამის საავიაციო ბაზაზე მორიგი ტაქტიკური სწავლება გაიმართა. წვრთნაში საქართველოს შეიარაღებული ძალების V ქვეითი ბრიგადის 51-ე ბატალიონის ის ასეულები მონაწილეობდნენ, რომლებიც ბაზის შიდა უსაფრთხოებაზე არიან პასუხისმგებელნი.

სწავლება რამდენიმე კომპონენტისგან შედგებოდა. სამხედრო მოსამსახურეები დაშავებულის ევაკუაციის, სწრაფი რეაგირებისა და საავიაციო ბაზის შიდა უსაფრთხოების სხვა ამოცანების შესრულებაში ვარჯიშობდნენ. სწავლებაში ამერიკული სამხედრო მანქანებიც იყო ჩართული. ტაქტიკური სწავლებები სამხედრო ბაზის უსაფრთხოების სხვადასხვა სექტორში ერთდროულად განხორციელდა.

მსგავსი სწავლებები ბაგრამის საავიაციო ბაზაზე მუდმივად ტარდება. 51-ე ბატალიონის ხელმძღვანელობის შეფასებით, პირადი შემადგენლობა საბრძოლო მზადყოფნის მაღალ ხარისხს ინარჩუნებს.

V ქვეითი ბრიგადის 51-ე ბატალიონი ახალი წლიდან “მტკიცე მხარდაჭერის” ოპერაციაშია ჩართული. ბატალიონის ამოცანას ბაგრამის საავიაციო ბაზის უსაფრთხოების უზრუნველყოფა წარმოადგენს.

news
: news იანვარი 18, 2015 11:46

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,990
ვიზიტორი
დღეში
Powered By Google Analytics